مساااااء الشوق يا اهل الذوق
فيه مشكله صايره في اليابان سببها وزير الله يستر عليه ما اعرفه وزودنها اليابانيات
حبتين تعرفون عاد النسوان كلهن واحد في العالم واسلوبهن واحد مخلوقات من ضلع
أعوج الله يعين أرجالهن عليهن
المهم يقول الوزير الياباني أن لبس الحريم عندهم غير محتشم يلبسن تنورات قصار
وبناطيل اسمها على ما أعتقد استرش واستلمهن تهزيء وتعليق ويقول انهن عرضه
للإغتصاب والخطف وما شابه
قامن عليه النسوان وقومن الدنيا وقعدنها يقولن انتو يالرجاجيل ما فيكم خير وفيكم ما
يخطيكم تظنون انفسكم عنتر بن شداد (هذي من عندي ) وطالبن الوزير بالإستقاله
ويقضب الباب ويمسك الدرب
وما زال الموضوع معلق إلى ساعتكم ذي
واقول أنا ليت الوزير الياباني يسير علينا في السعوديه ويشوف الحال من الشباب لا
يزعلن النسوان علي
أول ما يشوفون البنت طالعه ولى في السياره او في السوق تلقى الشباب متنثرين مع كل جهه
يقول لي واحد تصدق إني اجلس في السوق ومع الربع أكثر من جلوسي في
البيت قلت يصيرلأني ما عمري كذبت احد لو هي كبر الجبال امشيها
طيب سؤال ليش الشباب يطاردون البنات هنا مربط الفرس أكيد شايفين شوفه بقول لكم
وشهي أولا العبايه مخصره والثانيه لثام إلى الخشم تقريبا حدوده ومشي دلع وعطورات
تشمها على بعد مية متر وتدوخ منها ومكياج في كل جهه والظاهر موديل البشره السنه
ذي برونزي أي وحده بيظا تلقا بويتها قالبه والزي والملابس
الله يستر عليهن شفت شي يوجع في الراشد الستيره زينه
والمصيبه العظيمه تعال حفلة عرس أو عيد ميلاد أو مناسبة نجاح وشف المنكرات
والخلاعه لبس يوضح جسد المرأه كله من إلى ضيق قصير أي شي يطري على بالك
بصراحة لبس فتياتنا وزيهن من خمس سنين وجاي شبه عاري أنا أشوف اللي في
المحلات لا تفهوني خطأ
واللي قاهرني فيه عجز وكبيرات سن يحبن اللبس هذا ويتفاخرن لجتمعن في مجالسهن
واللي قاهرني فيه عجز وكبيرات سن يحبن اللبس هذا ويتفاخرن لجتمعن في مجالسهن
كل عصريه تقولون عرض أزياء للعجز شي خيالي فظيع مروع صدق إذا قالوا مراهقة
العجوز مدبوله يعني ضعف مراهقة الشابه
المفروض هن تجاوزن المرحله هذي وأصبحن الآن مربيات وناصحات وهن كبرن على
الحركات هذي خلاص يا وجه استح
محب أطول عليكم بغيت اقول يا فتيات لبس الحشمه هو شخصية المرأه وأصالتها
فالحركات اللي مالها داعي ولا لها وجود في تاريخنا ينبغي تركها وحفظن فلوس اهلكن
ليوم احسن ولى اشترن شي ساتر ولا تفضحن نفسكن واهلكن
من أرشيفي القديم
واستروا ما واجهتوا :/*
ليست هناك تعليقات:
إرسال تعليق