عنود الجيل

مدخل خاص

لا تعتذر مليت من كثر الاعذار

........... خاطري طاب من كثر زلاتك

كنت احسبك وافي واتاريك غدار

........ خاين وبايع بس تلقى جزاتك

/
\
/
\
/
\
/
ألا ياوجودي وجود اللي من زمانه هبيل

........ وجد العقيم اللي في رجى شوفة اولاد

عليك ياللي سكنتي ديرة الجبيل

..............ديرةٍ ماهيب لـ عمامك والأجداد

مير حدك زمانك على الشي المستحيل

      وانتي رضيتي باللي قضى رب العباد

تقولين ما اشوف غير البعد حلٍ بديل

         واقول ما اشوف غير الذل يمي يعاد

ان كنت زليت فارجوك هاتي دليل

               واتعذر واتأسف ما هو تعماد

وان كانه تغلي تغلي ياعنود الجيل

         وهبك الله جمالن ماله حدود وابعاد

العيون السود والرمش الظليل

              حرمت عيوني من لذيذ الرقاد

وفلسفة خصرك تعزف لي مواويل

             واغني بايقاعه لبو نوره ( ابعاد )

كل ما مال قمت اتثنى واميل

         واتذكر جروح(ن) قدام وجداد

عسى هالحظ الردي البخيل

............ يعالج جروحن بها الطب ما فاد

مخرج هادئ

ياما على شانك تحملت أخطار

...... وانت سالي ولاهي في حياتك

وياما على شانك تذوقت أمرار

...وانت في ظهري تزيد طعناتك


دكتور بلشه