مساكم الله بالخير يالطواقي الغانمة والشباصات الغانمات :/*
أسوأ شيء بالحياة لما تكون فاضي وما تدري وش قصتك مع نفسك
ومن فضاوتي وفهاوتي هالأيام كل ما جاني ابليس طردته شر طردة عارف ما وراه الا التوهيقة في الاخير
عاد اذا عطيته اشكل ( وقتي الفاضي ) مو ابليس هع
قامت هالوساوس تلعب فيني واشغل مخي على موجة وسع صدرك
الحين من جد الحرمة تبي تصير عضوة شورى وعضو مجلس بلدي
وش سوى الرجاجيل لنا اصلا هالمجالس كلها وش استفدنا منها كمواطنين غلابا مجلس شورى وبلدي واقتصادي وضمان صحي ( اول مرة اسمعه ) ومجلس الخدمة المدنية والغرف التجارية وعد واغلط من هالمجالس
وش قدمت للمواطن ياتسبدي تسبداه بس
الحين المعلمات لهن اكثر من اسبوعين مسنترات عند الوزارة ما احد عطاهن وجه
والمطلقات والارامل طفسة معاشهن ما يجي فاتورة كهرباء وجوال
عضوة الشورى والبلدية تجيك شبعانة فلوس وخير مثل الرجال وينسون هالمواطن عشان هالكرسي ما يطير والشرهات
السنوية ونزل راسك انت سعودي
على طاري الشورى والبلدي الحين نسمي الحرمة عضو او عضوة
وهل نسمي كل عضو باسم عضو ضار لبلده هع
* يقولون تسمع بالحرية خير من أن تمارسها الحين عندنا بالسعودية كل واحد حريته حسب مزاجه ويفسرها باللي يبي
ممنوع تنتقد ممنوع تتكلم على عمل المسؤولين وخير دليل قصة المطيويع وقصة مقطع وكيل امانة عسير
لا حرية ولا شفافية وامدح المسؤولين لو انك بتموت من الجوع
وبيني وبينكم الشعب عندنا ما بعد استوعب مفهوم الحرية
احسن شي نزل راسك انت سعودي
* وشسمه مافيه احد منكم يتبرع للمبتعثين بوظيفة يترزق منها هو وشهادة الدكتوراه اللي معاه مساكين ارحمهم غربة ودراسة وتغيير افكار واذا رجع مالقى الا جدار غرفته يعلق شهادته فيها
احد المبتعثين معاه ماجستير ما ترك ولا دائرة حكومية ولا اهلية الا وقدم عليها ويمسكونه الباب
عاد الحريم اذا رجعن من برا علقن عبايتهن قبل الشهادة ما تعودن عليها السنين اللي راحت
ونزل راسك انت سعودي
* حافز يا حافز وش خليت من الاستفزاز واستفزيت الشعب فيه الحين يدرسون منع المتزوجة من حافز طيب واللي طالبة في الكلية ومتزوجة تهقون يمنعون منها المكافاة بعد عشان متزوجة بعد
القرار واضح بلاش اللف والدوران ونزل راسك انت سعودي
* ثلاث رواتب بدل سكن يدرسونها الربع في مجلس الشورى واقول كثر الله خير بلادي ما نبيه ولا نبي نكلف عليهم بس يطلعون قرار بتحديد الاجار وفق مساحة المبنى ولا يزيد المالك نسبة 5% من الاجار سنويا ومحاسبة التجار الطماعين واعادة الاسعار كما كانت سابقا من عقار ومواد غذائية وعلاجية ونزل راسك انت سعودي
أسوأ شيء بالحياة لما تكون فاضي وما تدري وش قصتك مع نفسك
ومن فضاوتي وفهاوتي هالأيام كل ما جاني ابليس طردته شر طردة عارف ما وراه الا التوهيقة في الاخير
عاد اذا عطيته اشكل ( وقتي الفاضي ) مو ابليس هع
قامت هالوساوس تلعب فيني واشغل مخي على موجة وسع صدرك
الحين من جد الحرمة تبي تصير عضوة شورى وعضو مجلس بلدي
وش سوى الرجاجيل لنا اصلا هالمجالس كلها وش استفدنا منها كمواطنين غلابا مجلس شورى وبلدي واقتصادي وضمان صحي ( اول مرة اسمعه ) ومجلس الخدمة المدنية والغرف التجارية وعد واغلط من هالمجالس
وش قدمت للمواطن ياتسبدي تسبداه بس
الحين المعلمات لهن اكثر من اسبوعين مسنترات عند الوزارة ما احد عطاهن وجه
والمطلقات والارامل طفسة معاشهن ما يجي فاتورة كهرباء وجوال
عضوة الشورى والبلدية تجيك شبعانة فلوس وخير مثل الرجال وينسون هالمواطن عشان هالكرسي ما يطير والشرهات
السنوية ونزل راسك انت سعودي
على طاري الشورى والبلدي الحين نسمي الحرمة عضو او عضوة
وهل نسمي كل عضو باسم عضو ضار لبلده هع
* يقولون تسمع بالحرية خير من أن تمارسها الحين عندنا بالسعودية كل واحد حريته حسب مزاجه ويفسرها باللي يبي
ممنوع تنتقد ممنوع تتكلم على عمل المسؤولين وخير دليل قصة المطيويع وقصة مقطع وكيل امانة عسير
لا حرية ولا شفافية وامدح المسؤولين لو انك بتموت من الجوع
وبيني وبينكم الشعب عندنا ما بعد استوعب مفهوم الحرية
احسن شي نزل راسك انت سعودي
* وشسمه مافيه احد منكم يتبرع للمبتعثين بوظيفة يترزق منها هو وشهادة الدكتوراه اللي معاه مساكين ارحمهم غربة ودراسة وتغيير افكار واذا رجع مالقى الا جدار غرفته يعلق شهادته فيها
احد المبتعثين معاه ماجستير ما ترك ولا دائرة حكومية ولا اهلية الا وقدم عليها ويمسكونه الباب
عاد الحريم اذا رجعن من برا علقن عبايتهن قبل الشهادة ما تعودن عليها السنين اللي راحت
ونزل راسك انت سعودي
* حافز يا حافز وش خليت من الاستفزاز واستفزيت الشعب فيه الحين يدرسون منع المتزوجة من حافز طيب واللي طالبة في الكلية ومتزوجة تهقون يمنعون منها المكافاة بعد عشان متزوجة بعد
القرار واضح بلاش اللف والدوران ونزل راسك انت سعودي
* ثلاث رواتب بدل سكن يدرسونها الربع في مجلس الشورى واقول كثر الله خير بلادي ما نبيه ولا نبي نكلف عليهم بس يطلعون قرار بتحديد الاجار وفق مساحة المبنى ولا يزيد المالك نسبة 5% من الاجار سنويا ومحاسبة التجار الطماعين واعادة الاسعار كما كانت سابقا من عقار ومواد غذائية وعلاجية ونزل راسك انت سعودي
ليست هناك تعليقات:
إرسال تعليق